表演唱《橘红飘香乐万家》

（广州话表演唱）

橘红飘香乐万家

作者 廖奇芳 周志伟

[在欢乐的音乐声中，ABCDE 靓姨先后舞蹈上。

众 （唱）化州系个好地方，山清水秀好风光。

          宝山积翠开画卷，橘州换了新衣裳。

          城乡高楼环绿荫，人民生活奔小康。

       今日约定晒幸福，姐妹相聚老地方。

A   姐妹们，今日我地欢聚一堂晒幸福，睇下边个可以拿走呢朵白银打造嘅橘红花。

众   我地就评出一个幸福指数最高嘅人，呢朵白银打造嘅橘红花就奖比佢。

B    我先来。

众   好呀。

B   （板）我家近年纳洪福，生活安康好富足。

          全靠橘红工艺品，两轮换成四只辘。

          开起宝马去旅游，游山玩水亨清福。

众    哟，半百婆娘开宝马，真系老来俏！你做乜发达呀？

B    我做橘红工艺品。

众    做橘红工艺品都能赚钱？

B    嘻，谂唔到咧？

   （唱）橘红药用早明清，橘红工艺正方兴。

             爷爷巧手把头领，全家学艺不消停。

              项链烟斗茶壶瓶，独特工艺商家惊。

              客商纷纷把货订，我家收入节节升。

众    传统工艺来传承，日日数钱手唔停，你有资格拿走呢朵橘红花。

C    咪住，我都要将幸福讲，我帮商家收购橘红赚钱心仲爽。

众    帮商家收购橘红都能赚钱？

C    新鲜咧？

   （板）化州橘红美名扬，可药可食可收藏。

            治病防病又玩赏，引来商家流水长。

            收购橘红荷包涨，两年已经奔小康。

众    哗，咁好赚？

C     冇钱我敢建新屋？

众    你建左新屋啦？

C     年底入伙我请大家饮“橘红酒”。

A   （唱）收购橘红发达神速，好一首致富新乐曲。

              建起小楼如别墅，恭喜你年底入住新大屋。

       呢朵橘红花应该奖比你。（A 要将橘红花插系 C 嘅头上）

D    等阵——

众    唔通你唔服？

D    佢建左新屋系有福，但橘红花奖比佢我心唔服，我都要晒下我嘅幸福——

   （板）化橘红如日中天，我种橘红在乡村。

              乡村城里来回转，辛苦劳碌心亦甜。

       俗话讲：辛苦做来自在叹。厅天呀，我同老公比翼双飞游京城……

众    你家房子车子银子“三子齐”， 厅天两公婆又比翼双飞游京城，真系幸福，呢朵橘红花应该奖比你。

E     游个京城算乜？全国东西南北我都行运晒。

众    吹牛皮，你一个下岗工人都敢同人地攀比？

E    咪一本通书睇到老，将人睇低左。呢几年，我响全国开

左    30 几间橘红连锁专卖店，经常奔跑各地，既推介左我市化橘红文化，又涨左自己嘅荷包，仲饱览左祖国各地

       嘅美景，直头一举三赢！

众    哗！全国开左 30 几间橘红连锁专卖店？真系犀利！

领   （唱）往日摆摊难赚钱，如今开起专卖店。

               批发零售一手抓，事业好比如日中天。

众     你嘅幸福有质嘅飞跃，呢朵橘红花应该奖比你。

[内声：姐妹们，我来了——F 从后台快步出来。

众    你来迟啦。

B    奖品已经名花有主了。

F    啱先我仲未到场，唔算数，我嘅幸福仲未晒。

众   你做橘红饮料发达我地知，但呢个唔系新鲜事，呢个奖品你罗唔走。

F    我唔系食老本，我有新嘅幸福晒咧。

   （板）我打响竹板话你听，好事连连喜盈盈。

            橘红饮品正畅销，橘红胶囊又制成。

            海外订单已收到，进军国外去打拼。

      到果阵，化橘红嘅神奇功效就会享誉世界，造福人类，

      我嘅荷包就好似猪笼入水，银子装唔晒啦……

A   睇来呢朵橘红花非你莫属啦。姐妹们，你地同意吗？

众   同意。

[A 将橘红花插在 F 的头上。众高兴得手舞足蹈欢唱起来。

众 （唱）看佢戴上橘红花，我地心里乐呵呵。

               姐妹今日同幸福，橘红橘红我爱它。

F    我有今日嘅幸福生活，全托化橘红嘅福！

众    对，我地都系托化橘红嘅福！

F    你地？

C   我种化橘红。

D   我收购化橘红。

B    我做化橘红工艺品。

E    我开化橘红连锁专卖店。

F    哎哟喂，唔怪之得我地姐妹咁有缘，原来大家都系同行， 我地要好好珍惜化橘红比我地带来嘅洪福。

A    对，我地要将化橘红产业做强做大，让化橘红名扬中外……

   （唱）橘红七月美如画，硕果绿叶映红霞。

             化啖止咳有神效，化橘红名声传天下。

             文化瑰宝确无价，我地要保护传承它。

             明清贡品传千载，橘红飘香乐万家……

           【造型。

来源：化州市文化馆供稿，禁止转载